EE.UU propón a la OTAN un cambiu d'estratexa pa combatir la influencia de los talibán nel sur

Reuters

CORNWALLIS (NUEVA ESCOCIA, CANADÁ), 21 de Payares (Reuters/EP)

El secretariu de Defensa d'EE.UU, Robert Gates, encamentó güei a los países miembros de la OTAN a modificar la so estratexa n'Afganistán pa combatir la creciente infuencia de los talibán nel sur del país, onde se cultiven adormideres pa producir opiu.

Gates quier que les fuerces de la OTAN desplegaes nel sur abandone la so estratexa de lluchar escontra los talibán provincia a provinca p'adoptar una estructura de mandu qu'abarque rexones enteres, puesto que Defensa ta plantegando aumentar los efeutivos na zona de manera significativa'l próximu añu, según fontes oficiales d'esti ámbitu.

Les cinco provincies del Mandu Rexonal-Sur de la OTAN (RC-S) cosntituyen ún de los frentes principales de la guerra. Según los espertos, los insurxentes, financiaos pol comerciu del opiu afganu (valoráu en 3.000 millones de dólares o más de 2.400 millones d'euros), tienen influencia sobre una franxa que s'estiende a lo llargo de les fronteres de delles provincies.

Gates propunxo la nueva estratexa na provincia canadiense de Nueva Escocia colos sos homólogos de Canadá, Dinamarca, Reinu Uníu, Países Baxos, Australia, Estonia y Rumanía, países qu'axunten al 90 por cientu de los 18.000 efeutivos que tien desplegaos la Alianza Atlántica nel sur d'Afganistán.

EE.UU tien unos 3.500 solados destacaos nel sur, pero los comandantes pidieron más de 10.000 efeutivos adicionales pa esta zona. El secretariu de prensa del Pentágonu, Geoff Morrel, esplicó que les tropes que s'unvíen nel futuru al sur van tar baxo'l mandatu del comandante del RC-Sur. "Van ser los sos activos pa que los despliegue como crea conveniente", añadió.

Morrel espresó'l deséu del Pentágonu de qu'esti futuru aumentu de tropes "siente un precedente" y d'esta manera otros países otorguen poderes al comandante del RC-Sur pa que "utilice eses tropes pal beneficiu total de la rexón".