MADRID, 21 d'Ochobre (EUROPA PRESS)
El Conseyu Xeneral d'Enfemería presentó esti martes un informe sobre les actuaciones realizaes na atención de pacientes con ébola n'España, nel que consideraron que los protocolos, la formación y l'entrenamientu de los profesionales fueron "insuficientes" y que se frayaron delles lleis.
En rueda prensa, el presidente de la entidá, Máximo González, denunció los defectos que se produxeron al formar a los profesionales que teníen qu'atender a estos pacientes y "que nun se fizo lo posible por acortar un posible riesgu de contaxu".
Amás, nel casu concretu de Teresa Romero, llamentó que "nunca va poder sabese lo que pasó porque hubo munchos factores de riesgu implicaos".
El presidente de la Organización Colexal d'Enfermería avanzó que va personase ante la fiscalía p'aportar tola información arrexuntada y que s'esclare "la verdá", dao qu'entienden que pue haber responsabilidaes nel ámbitu llaboral, penal y civil patrimonial.
Per otru llau, creen que son les comunidaes autónomes les responsables de la formación de los profesionales y el cumplimientu de les lleis y, nel casu concretu de Madrid, esixó "la dimisión" del conseyeru madrilanu por acusar a Romero de "mentir". "Nun país seriu nun siguiría siendo conseyeru de sanidá", dixo.
