La escritora Maruja Torres gana'l premiu Nadal cola novela 'Esperadme en el cielo'

EP

BARCELONA, 7 de Xineru (EUROPA PRESS)

La escritora barcelonesa Maruja Torrres ganó güei'l Premi Nadal 2009, dotáu con 18.000 euros, pola novela 'Esperadme en el cielo', escrita en primer persona por una escritoria qu'al morrer se xunta nel cielu colos sos amigos, Terenci (Terenci Moix) y Manolo (Manuel Vázquez Montalbán), xunto a los que recuerda les sos correríes lliteraries y la Barcelona de la posguerra, la de la so mocedá.

El finalista d'esta LXV edición foi'l vallisoletanu Rubén Abella con 'Libro del amor esquivo', onde la carencia d'amor y de felicidá carautericen tres histories ambientaes nel Madrid urbanu.

El premiu Josep Pla 2009 de prosa en catalán tamién s'entregó esta nueche y foi pal presentador de radio Gaspar Hernández con 'El silencio', obra na qu'Umiko, una xaponesa que vivió nun monasteriu 'zen', treslládase a Formentera pa combatir un cáncer d'una manera mui particular: sintiendo en suaños les pallabres d'un home demientres tola nueche.

UN PREMIU AGRIDULCE

Torres aseguró qu'esti premiu ye "agridulce" pa ella, porque si Terenci Moix y Manuel Vázquel Montalbán "nun tuvieren muertos" ella "nun escribía esti llibru". Na novela, "divertida" y un cantu a "l'amistá", según la so autora, "la muerte annicia la vida", porque Moix y Montalbán-y piden que viva lo qu'ellos yá nun puen.

'Esperadme en el cielo' ye un cuentu "preciosu" y "triste" nel que los tres escritores vuelen xunto a Peter Pan y se divierten con Alicia, la protagonista de 'Alicia nel país de les maravilles', baxo apariencies surrealistes: "Terenci tien el pelu de tolos colores y Manolo ye Carbalho", dixo l'autora, non ensi pidir disculpes a los familiares de los autores muertos. "Son los míos. Toos tuvimos a los nuesos Terencis y Manolos".

La idea d'esti llibru foi fraguando poco a poco tres la muerte de los sos dos colegues, a los que Torres convocaba día sí y día tamién nos sos suaños. "Entamé a facer espiritismu llaicu al morrer" ellos, dixo la ganadora. "Ye mui duro sobrevivir a dos amigos que fueron tan xenerosos nel so talentu", y sobre'l d'ella, reconoció l'autora.

La guerra de Líbano del 2006, na que Torres se vio implicada --reside dende hai años en Beirut--, fízo-y pensar en que les opciones que tenía yeren "vexetar o aprovechar" la vida. "Llevaba una vida conformista y triste", recordó la escritora.

Torres (Barcelona, 1943) ganó'l Premiu Planeta 2000 pola novela 'Mientras vivimos' y ye columnista de 'El País. Faciendo alarde del so conocíu sen del humor, la escritora convidó a que tolos presentes --más de 200-- la visiten en Beirut "de dos en dos, porque hai dos sofás. A les pareyes voi dexales dormir na cama de matrimoniu".