UVIÉU, 27 de Mayu (EUROPA PRESS)
El Centru Cultural Antiguu Institutu acueye la esposición sobre los 30 años d'historia del grupu teatral Compañía Asturiana de comedies. Va clausurase esti domingu, nun actu al que va asistir la conceyala Montserrat Domínguez.
La muestra 'COMPAÑÍA ASTURIANA. 100 años de teatru asturianu' da a conocer a la sociedá asturiana'l trabayu lleváu a cabu pola Asociación Cultural Compañía Asturiana de Comedies mientres estos trenta años, ofreciendo una visión xeneral de la historia del Teatru Popular Asturianu, protagonizada polos cien años d'actividá de les distintes Compañíes Asturianes.
Son munchos los asistentes que disfruten viendo los paneles esplicativos, los maniquinos de vestuariu, les maquetes, los llibros y documentos históricos, les reproducciones xigantes de les antigües ilustraciones de Marola y los paneles esplicativos ente otros elementos.
