UVIÉU, 22 d'Avientu (EUROPA PRESS)
El Grupu de Rescate de Bomberos del Serviciu d'Emerxencies del Principáu d'Asturies (SEPA), a bordu del helicópteru medicalizáu del organismu autónomu, rescató a un montañeru que sufrió una cayida cuanto taba realizando la ruta d'iviernu ente Fuente Dé y Cabaña Verónica, na zona cántabra de Picos d'Europa. Al afectáu, un varón de 54 años d'edá, evacuáronlu con posible esguince de rodiella al Hospital de Les Arriondes.
Esta intervención enmárcase dientro del protocolu de collaboración firmáu nel añu 2004 coles comunidaes autónomes de Cantabria y Castiella y Lleón pa l'asistencia d'emerxencies en zones estremeres.
El Centru de Coordinación d'Emerxencies recibió l'avisu a les 12.45 hores. Na llamada'l 112 de Cantabria solicitaba collaboración pa rescatar a un montañeru que sufriera una cayida, d'unos 40 metros, cuando taba realizando una ruta al sur del refuxu de Cabaña Verónica. El firíu taba acompañáu por un grupu de persones.
La Sala 112 del SEPA movilizó l'helicópteru medicalizáu y al Grupu de Rescate del que forma parte un médicu-rescatador. A les 14.19 hores, comuniquen que yá alcontraron al firíu y que proceden a la so evacuación. En emprestándo-y asistencia treslladóse al Hospital del Oriente onde ingresó sobre les 14.50 hores.
