UVIÉU, 23 Abr. (EUROPA PRESS) -
El Centru de Coordinación de Salvamentu Marítimu en Xixón, dependiente del Ministeriu de Fomentu, coordinó na mañana d'esti miércoles l'asistencia al pesqueru 'Virgen de los Mares', varáu na zona de Cadavéu, nel conceyu de Valdés (Asturies). Unu de los tripulantes, con síntomes de hipotermia, tuvo que ser evacuáu n'helicópteru hasta'l Puertu d'El Musel, en Xixón. Ellí atendiólu una ambulancia.
Según informó Fomentu al traviés d'una nota de prensa, les otres dos persones diben a bordu consiguieron llegar a tierra polos sos propios medios.
Foi alredor de les 7.33 hores cuando Salvamentu Marítimu foi sollertáu pol pesqueru 'Nagore' de qu'el 'Virgen de los Mares' taba varáu. De momentu unvióse a la zona otros dos pesqueros, amás del helicópteru Helimer 211, la Salvamar Capella y la LS Mar Laredo, de Cruz Roja.
L'helicópteru evacuó a unu de los trés tripulantes, que s'atopaba en dificultaes cuando intentaba algamar la sablera a nadu. Darréu, la Salvamar Capella sacó al pesqueru de la varada y tuvo arremolcando hasta'l puertu de L.luarca.
Coles mesmes los dos tripulantes que llegaron a tierra polos sos propios medios fueron asistíos por una ambulancia y por axentes de la Guardia Civil.
