NUEVA YORK, 20 d'Agostu (EUROPA PRESS)
El FBI cree que'l vídeu publicáu n'internet pol Estáu Islámicu de la supuesta decapitación del periodista estaounidense James Foley, desapaecíu dende payares del 2012 dempués que lo secuestraren en Siria, ye auténticu, según informa'l portal 'GlobalPost', que recibió autorización de la familia pa publicar la noticia.
Dende'l FBI reconocieron esti miércoles que'l videu paez auténticu, pese a que siguen col procesu oficial pa la verificación del mesmu.
Na grabación, l'Estáu Islámicu asegura que la decapitación de Foley ye una represalia polos bombardeos estaounidenses contra posiciones d'esti grupu nel norte d'Iraq. Coles mesmes, nel videu los islamistes aseguren tener a otru reporteru, Steven Joel Sotloff, desapaecíu en Siria va un añu, y amenacen con executalu.
La familia de Foley, que reside en New Hampshire, nun tenía a primer hora d'esti miércoles confirmación per parte del Gobiernu estaounidense de la muerte del periodista, que trabayó pal 'GlobalPost' informando dende Siria.
A Foley secuestráronlu cuando se dirixía a la frontera con Turquía'l 22 de payares del 2012, pero la noticia del so secuestru nun se conoció públicamente hasta que lo anunciaron los sos padres dos meses dempués. Al periodista estaounidense secuestrárenlu mientres 44 díes cuando cubría la guerra civil en Libia nel 2011, xunto al tamién estadounidense Claire Gillis y al asturianu Manu Brabo les fuerces de Muamar Gadafi.
