Fernández Campo considera "exaxerao que se quiera poner una escuela de bable"

   L'ex xefe de la Casa Real y miembru de la Real Academia de Ciencies Morales y Polítiques, Sabino Fernández Campo, consideró güei "exaxerao que se quiera poner una escuela de bable". Al so xuiciu, "l'asturianu convién conservalu como una cosa íntima, como'l que tien una cosa importante na so casa, almírala y consérvala". Dicho esto, añadió que "tratar de sustituir el castellán por otra llingua, como se fai en Cataluña, ye una exaxeración peligrosa y desagradable que va a la escontra de la unidá que tanto trabayu costó algamar".

   Nesti sen, indicó que se siente "mui asturianu, pero siempre dientro d'España" y añadió que nel asuntu de los idiomes "nun convién cayer na 'cursilería' nin na exaxeración".

   "Soi asturianu pero tamién español, porque nun entiendo selu ensin ser español", dixo Fernández Campo, qu'añadió que "tenemos una llingua común perfeuta y regulada, anque llueu de manera familiar y nel so ámbitu se puean usar otres llingües como l'asturianu". Asina, consideró "exaxerao que se quiera poner una escuela de bable

   L'ex xefe de la Casa Real y miembru de la Real Academia de Ciencies Morales y Polítiques manifestábase asina en declaraciones a la prensa tres participar nun cursu de branu de La Granda sobre'l poder moderador del Rei. La  ponencia de Fernández Campo enmárcase nel seminariu 'Recuerdos, realidá y futuru' que s'imparte esta selmana.

"'POR QUÉ NO TE CALLAS'".

   Fernández Campo faló na so ponencia del llabor que "munches veces ensin que trescienda" desarrolla'l rei, "un llabor mui delicáu qu'en munchos casos igual yera meyor que se ficiere públicu". En declaraciones a los medios refirióse tamién a la ya famosa frase 'por qué no te callas' que'l rei pronunció, na clausura de la XII Xunta Iberoamericana, al presidente venezolanu, Hugo Chávez, y aseguró que "igual se pudo evitar".

   "Pa mí, sinceramente la frase pudo evitase, pero bono, foi una espresión espontánea del rei que-y salió ante la familiaridá", esplicó'l xefe de la Casa Real, qu'indicó que "debería ser la presidenta de la sesión la que mandare Callar a Chávez".

   Sicasí, Fernández Campo indicó qu'en conceyos como'l celebráu estos díes ente Juan Carlos Borbón y Hugo Chávez, "suel haber muncha familiaridá de la que llueu se tresmite", y añadió que "sabiendo como son esos conceyos estraña muncho menos lo del 'por qué no te callas'".