Fernández confía en que l'aeropuertu d'Asturies tenga "nun plazu cortu" una nueva conexón con Madrid

UVIÉU, 14 de Xunu (EUROPA PRESS)

El presidente d'Asturies, Javier Fernández, mostró esti vienres la so confianza en que l'aeropuertu d'Asturies cuente nun "plazu cortu" con una nueva ufierta de conexón con Madrid, frutu de los contactos que la Conseyería de Fomentu ta calteniendo con aerollinies nacionales y internacionales.

Fernández respondió d'esta manera a la pregunta del diputáu d'UPyD na Xunta Xeneral, Ignacio Prendes: "¿Cuándo preve'l so Gobierno qu'Asturies puea contar con conexones aérees abondo, principalmente con Madrid, pa que de forma efectiva l'aeropuertu d'Asturies seya un elementu estratéxicu que garantice la nuesa conectividá?".

Prendes criticó la situación de "monopoliu" que vive nestos momentos la ruta Asturies-Madrid, controlada por Iberia, y a un preciu mediu de 371 euros el pasaxe, "ún de los más caros del país". Señaló "los efectos d'esta situación de monopoliu: un retrocesu del 29% nel númberu de pasaxeros en Mayu, el mayor descensu de tolos aeropuertos Españoles de cierta entidá".

Na so opinión, "ye básico tener una conexón con Madrid eficaz y a unos precios competitivos", nuna ruta que ye "la más utilizada nel nuesu aeropuertu, y compromete la viabilidá del mesmu, puesto que movió al 40% de los pasaxeros del añu pasáu".

Prendes, refugó la opción de sovenciones públiques a compañíes de vuelos baratos, y apoyó l'alternativa de declarar como "serviciu públicu" la llinia Asturies-Madrid, como asina prevé la Unión Europea.

LES NEGOCIACIONES VAN DAR "FRUTU"

Pela so parte, el xefe del executivu asturianu refirióse a los contactos de la Conseyería de Fomentu con compañíes d'ámbitu internacional y nacional. "Creo que van dar frutos, y nun plazu cortu, pero nun me pida si va ser la próxima selmana o la otra, porque yo nun funciono asina", añadió.

Tamién-y recordó que'l Gobiernu autonómicu demandó esa declaración de serviciu públicu al Executivu estatal, y qu'Asturies foi la primer comunidá que punxo en marcha'l comité de coordinación aeroportuaria. "Tamos esperando que la secretaría xeneral de Tresporte mos faiga llegar el plan de marketing al que se comprometió va un mes", matizó.

Sicasí, Fernández esplicó que, pese a compartir esta necesidá con Prendes, "hai dellos factores a tener en cuenta": ún ye'l del difícil contestu económicu, a pesar del que recordó que'l descensu de pasaxeros nel 2012 nel aeropuertu d'Asturies ye menor que la media española.

De segundes, refirióse tamién a la política de sovenciones a compañíes aérees, una propuesta desarrollada n'otres comunidaes y que él que nun comparte porque, asegura, produz-y "vergoña". A lo último, señaló la situación producida polos cambios normativos y les nueves tases impuestes por AENA.