Fernández (PP) cree qu'unes cuentes pactaes con Podemos nun sirviríen al interés xeneral n'Asturies

MERCEDES FERNÁNDEZ
PP DE ASTURIAS
Actualizado: jueves, 14 diciembre 2017 14:05

UVIÉU, 14 Dic. (EUROPA PRESS) -

La presidenta del PP d'Asturies, Mercedes Fernández, afirmó esti xueves qu'un presupuestu autonómicu pactáu ente'l PSOE, IX y Podemos "nun sirve" al interés xeneral d'Asturies. Los acercamientos de les trés fuercies d'esquierdes asturianes, afirmó, nun-y presten "nada".

Nunes declaraciones unviaes a los medios Fernández refugó la idea de que'l PSOE llegue a un alcuerdu presupuestariu cola esquierda, poniendo'l focu en Podemos, partíu que, al so xuiciu, ye "el más radical de los qu'existen n'Asturies". El pactu mentáu, afirmó, "perxudicaría a los intereses xenerales d'Asturies y de los asturianos".

Énte esta posibilidá, la líder del PP asturianu dixo "con toa claridá" qu'Asturies "pue tener un presupuestu razonable pactáu y negociáu col PP", nel que se rebaxe la presión fiscal, se ponga l'acentu na inversión y ameyore la calidá educativa.

"Nun queremos qu'haya un pactu cola radicalidá que supón Podemos, nun ye l'únicu alcuerdu posible", aportunó. Sicasí, si'l Gobiernu d'Asturies "nun quier, nun pue, o nun-y dexen pactar col PP, el presidente asturianu, Javier Fernández, nun va cumplir, na so opinión, cola promesa de sirvir al interés xeneral" n'Asturies

Asturianu ofrecido por