Firíu un home tres producise una esplosión nuna cisterna d'alquitrán na que trabayaba

Accidente llaboral n'Uviéu.
BOMBEROS D'ASTURIES
Publicado: viernes, 18 julio 2014 15:25


UVIÉU, 18 de Xunetu (EUROPA PRESS)

Un home resultó firíu de consideración tres producise una esplosión nuna cisterna d'alquitrán na que trabayaba por causes que se desconocen. L'home salió despidíu a un teyáu, nuna empresa ubicada en Les Segaes, n'Uviéu.

Según los datos facilitaos pol Serviciu d'Atención Médica Urxente (SAMU) l'afectáu presentaba, por cuenta de más pruebes, poli trauma de calter grave. Según informó'l Serviciu d'Emerxencies del Principáu d'Asturies (SEPA) en nota prensa, al firíu desagospiáronlu dende'l mesmu teyáu de la nave, per mediu d'una operación de grúa, hacia l'Hospital Universitariu Central d'Asturies (HUCA).

De primeres al home yá lu atendió l'equipu médicu de la UVI-móvil d'Uviéu. Los sanitarios en collaboración col médicu-rescatador de Grupu de Rescate del SEPA procedió a inmovilizar y estabilizar al firíu antes de evacualu en camiya cola grúa al helicópteru. El Centru de Coordinación d'Emerxencies recibió l'avisu a les 11.27 hores.

Asturianu ofrecido por