UVIÉU, 28 d'Abril (EUROPA PRESS)
La Fiscalía del Principáu d'Asturies solicitó una pena de 15 años de prisión pa un home acusáu d'agredir sexualmente a la so fía "de forma continuada". La vista oral va celebrase esti miércoles na Sección Segunda de l'Audiencia Provincial d'Asturies, con sede n'Uviéu, a les 10.30 hores.
Según indicó'l Ministeriu Fiscal nuna nota de prensa, l'home abusaría sexualmente de la so fía desque ella tenía 3 o 4 años, hasta que la menor tuvo a puntu d'algamar la mayoría d'edá. Según el relatu de fechos, el procesáu aprovechaba que la madre de la menor salía a trabayar p'agredila sexualmente.
Amás de los 15 años de cárcel, la Fiscalía solicita la inhabilitación absoluta y el pagu d'una indemnización a la víctima de 100.000 euros.
