BARCELONA, 6 d'Ochobre (EUROPA PRESS)
La Fiscalía de Barcelona decidió nun acusar al xugador del FC Barcelona Leo Messi de fraude fiscal na xestión de los sos derechos d'imaxe pero sí al so padre, Jorge Horacio Messi, pal que pide añu y mediu de cárcel por trés delitos contra la Facienda Pública col IRPF del 2007, 2008 y 2009 por un total de 4 millones d'euros.
Nel so escritu d'acusación, la Fiscalía considera que, pola so edá y pola so vinculación col so padre, yera ésti'l que tutelaba los sos intereses económicos y llevaba "el control de les obligaciones tributaries".
"Nun resulta acreditao que'l so desconocimientu fuera intencional o buscáu de propósitu pa defraudar a la Facienda Pública", que sí pidió que se cite al xugador nel xuiciu como testigu; sicasí, falta tovía saber si l'escritu d'acusación de l'Abogacía del Estáu pide que vaya a xuiciu como acusáu.
