MADRID, 27 de Febreru (EUROPA PRESS)
La Fiscalía propunxo al xuez de l'Audiencia Nacional Pablo Ruz que procese al presidente del Fútbol Club Barcelona, Josep Maria Bartomeu, pol so induldable participación nun fraude de 1.915.322 euros cometíu nel fichaxe del delanteru brasileñu Neymar.
Nel escritu, nel que refuga archivar les actuaciones contra Bartomeu, el fiscal José Perals pide'l tresformamientu en procedimientu acortáu de les actuaciones siguíes contra Bartomeu y el club azulgrana por un delitu contra la Facienda Pública relativu a les cantidaes que Facienda dexó d'ingresar, en conceptu d'Impuestu sobre la Renta de les Persones Físiques (IRPF) del exerciciu del 2014.
El representante del Ministeriu Públicu recuerda que'l mandatariu culé ye'l máximu responsable del club dende'l 23 de xineru del 2014 y que tuvo "plena" conocencia y participación nel procesu d'alquisición del futbolista, con una "evidente" voluntá de "engañar a Facienda y faltar al deber de solidaridá que supón el pagu d'impuestos".
Al so xuiciu, quedó patente a lo llargo del procedimientu "toa una actividá de simulación contractual" desarrollada pola entidá a lo llargo de dellos años pa refugar el pagu de los tributos y amás "perpetuó" tal simulación nel 2014, con Bartomeu na so dirección.
