Fitch recorta la calificación de doce gobiernos autonómicos y llocales, ente ellos Asturies

LONDRES, 2 de Febreru (EUROPA PRESS)

L'axencia de calificación creiticia Fitch Ratings rebaxó la nota a doce gobiernos rexonales y llocales españoles y a trés empreses públiques de resultes de la so decisión de recortar la calificación d'España en dos escalones, dende 'AA-' a 'A' con perspectiva negativa', según informó la compañía nun comunicáu.

Ente les comunidaes autónomes, l'axencia rebaxó en dos escalones la calificación de Madrid, dende 'AA-' a 'A', y nun pasu los ratings d'Andalucía, Asturies, Canaries y Cantabria, de 'A+' a 'A'. La perspectiva de toos estos ratings ye 'negativa'.

Coles mesmes, tamién retayó en dos gradies la calificación de les ciudaes de Barcelona, Madrid, Pamplona y Vigo, dende 'AA-' a 'A', asitiando toos ellos en perspectiva negativa'.

Fitch destaca qu'esta rebaxa xeneralizada de les calificaciones tamién supón l'aplicación de los criterios de l'axencia. Según los mesmos, los ratings de gobiernos rexonales o llocales nun puen ser superiores a los de los países a los que pertenecen, nun siendo "circunstancies escepcionales".

Ente eses escepciones alcuéntrense Álava, Bizkaia y Gipuzkoa, que tienen una calificación dende 'AA+' a 'AA' con perspectiva negativa'. Coles mesmes, confirmó'l rating 'AA' de la ciudá de San Sebastián, anque cambió la so perspectiva a negativa.

Per otru llau, Fitch decidió caltener en revisión pa una posible rebaxa, pendiente d'información adicional sobre la so liquidez y les sos necesidaes de financiación, los ratings 'BBB+' de Castiella-La Mancha, 'A-' de Cataluña y 'A' de Murcia.

Per otra parte, l'axencia tamién retiró'l procesu de revisión nel que s'alcontraben delles entidaes del sector públicu dependientes del Executivu nacional, que saldóse con rebaxar de los ratings de la SEPI y el FROB, dende 'AA-' a 'A', y de Pequeños y Medianos Astilleros (Pymar), dende 'A-' a 'BBB'.