UVIÉU, 31 d'Ochobre (EUROPA PRESS)
Juan Pérez Zaldívar, representante de Foru Asturies na Sociedá Uveína de Festexos (SOF), pidió la comparecencia de la presidenta de la entidá, la conceyala 'popular' Belén Fernández, ante les noticies sobre la vinculación d'esti organismu municipal na contratación con una de les empreses vincuales a la 'Operación Púnica', Waiter Music.
El voceru axuntu de Foru asegura nuna nota prensa que "esti ye un casu más de la opacidá qu'arrodia tolos contratos de festexos nel Conceyu d'Uviéu, como venimos denunciando dende fai munchu tiempu. Yá alvertimos sobre la opacidá que xeneraron los contratos de les actuaciones en La Iría pa les fiestes de San Mateo y l'absoluta falta de profesionalidá en realizar diches contrataciones, como quedó demostrao col conciertu d'Extremoduro, qu'a lo último suspendióse n'Uviéu y la banda tuvo que llevar a Xixón".
Pérez Zaldívar espera que la presidenta de la SOF, Belén Fernández Acevedo, convoque pa esti mesmu llunes una xunta de calter estraordinario pa dar toles esplicaciones pertinentes sobre l'asuntu. "Tamos descomanadamente esmolecíos polos procedimientos d'entemediación que se vienen realizando colos contratos de la SOF", añade'l conceyal de FORU. "Nos contratos de la SOF existe un oscurantismu tan evidente que yá ye oxetu de comentariu nos medios artísticos y musicales non solo d'Uviéu sinón de toa España", acaba.
