Foru propón que se permita n'Asturies la venta directa de productos agroalimentarios

Actualizado: miércoles, 28 enero 2015 10:29


UVIÉU, 28 de Xineru (EUROPA PRESS)

El diputáu de Foru Asturies na Xunta Xeneral Juan Ramón Campo anunció esti miércoles la propuesta de la so formación pa que n'Asturies se permita la venta directa de productos agroalimentarios nes esplotaciones, "como pasa n'otres comunidaes autónomes".

En nota prensa, el parlamentariu de Foru señaló que "potenciar la economía agrícola y ganadera llocal de proximidá supón apostar pola actividá más vinculada al territoriu, crear empléu y fixar población".

"Asturies nun pue ser, una vez más, el vagón de cola na defensa de los intereses de los llabradores y ganaderos", diz el diputáu, calcando "na difícil situación que traviesa'l mediu rural, aquexáu por un importante avieyamientu, y pol éxodu poblacional constante y continuáu".

Los productos incluyíos nesti ámbitu habríen ser, a xuiciu de Juan Ramón Campo, "ente otros, los zumos, mermelaes y conserves de frutes y hortolices; sidra, vinu, llicores y aguardientes; productos cárnicos; productos llecheros; manipulación y ellaboración de miel y productos derivaos; especies vexetales pa ferviatos d'usu alimentario y como axentes arumosos d'usu n'alimentación; güevos frescos escoyíos, clasificaos y/o embalaos".

Con too, dende Foru esixen al Gobiernu d'Asturies que "actúe, como fixeron otres comunidaes, regulando pa permitir esti tipu de comerciu llocal coles afayaíces garantíes".

Asturianu ofrecido por