El Frente Polisariu esixe a Bruxeles que detenga la pesca de la flota comunitaria n'agües saharagüis

BRUXELES, 5 de Marzu (EUROPA PRESS)

El Frente Polisariu esixó güei a la Comisión Europea que detenga la pesca de la flota comuñal n'agües del Sáhara occidental, y acusóla de de faenar na zona amparándose nun acuerdu pesqueru que la Unión Europea caltién con Marruecos y que consideren illegal, coincidiendo col conceyu UE-Marruecos qu'esti domingu se celebra en Granada.

Los servicios xurídicos del Parlamentu Européu almitieron la selmana pasada que nun queda claro si l'acuerdu pesqueru cumple les normes internacionales porque nun consideren acreditáu que la población llocal del Sáhara occidental tea beneficiándose de les compensaciones económiques que Rabat recibe de la UE a cambiu de derechos de captura nes sos agües.

El ministru pa Europa del Frente Polisariu, Mohamed Sidati, unvió esti vienres una carta a la nueva comisaria de Pesca, Maria Damanaki, na qu'encamienta al Executivu comunitariu a "intervenir darréu pa evitar más actividaes pesqueres de los barcos de la UE nes agües axacentes al Sáhara occidental".

"A la población saharagüi nunca la consultaron nin recibió nengún beneficiu pola esplotación de les sos agües riques en recursos pesqueros", según critica'l Frente Polisariu.

Na primer comparecencia pública de los servicios xurídicos de la Eurocámara sobre esti tema, un voceru de la Comisión Europea refugó estes acusaciones al considerar que tampoco había pruebes de que la población saharagüi nun recibiera parte de les ayudes comunitaries.

"Esta postura foi duramente criticáronla duramente una gran parte de los eurodiputaos qu'esixeron a la Comisión un informe detalláu sobre los beneficios del acuerdu pesqueru y amenazaron con bloquiar la renovación del conveniu".

Pela so parte, l'asesoría xurídica plantegó trés alternatives, ente elles la d'escluyir les agües saharagüis, pero consideró esta opción xurídicamente posible, pero irreal dende'l puntu de vista económicu.