Genaro Alonso acusa al PP de tener "fobia y adversión" hacia la llingua asturiana

El consejero Genaro Alonso.
EUROPA PRESS.
Publicado 19/07/2018 13:44:28CET

UVIÉU, 19 Jul. (EUROPA PRESS) -

El conseyeru d'Educación y Cultura, Genaro Alonso, acusó al PP de tener "fobia", "adversión", "odiu" y "prexuicios" hacia la llingua asturiana y afirmó que la política llingüística del Executivu autonómicu ta nel "más estrictu marcu llegal".

En declaraciones a los medios, Alonso posicionóse sobre les acusaciones del diputáu 'popular' David González Medina, qu'afirmó que'l conseyeru utiliza medios públicos pa "imponer la so ideoloxía" y "esi constructu artificial llamáu 'llingua'".

Nesi sentíu, Genaro Alonso afirmó que Medina "igual ta dalgo desnortiáu" y nun sabe de la existencia de la Llei d'Usu y Promoción del Asturianu, "que como'l so nome indica obliga a los poderes públicos a esparder y promocionar la llingua". Asina, afirmó que la política llingüística del Principáu llíndase "al más estrictu marcu llegal" que surde de la norma mentada, aprobada en 1998.

"Otra cosa ye la fobia y la adversión, l'odiu que'l diputáu tenga, y los prexuicios hacia la llingua asturiana", indicó, pa señalar qu'esa situación nun se da nel Gobiernu, onde apuesten por una situación de "normalidá dafechu".

"Pa nós la llingua asturiana nun ye un problema, ye la solución, pal PP ye un problema, pero esi problema tienen qu'iguala ellos", sentenció.

Contador