UVIÉU, 22 d'Ochobre (EUROPA PRESS)
La conseyera de Fomentu del Gobiernu asturianu, la socialista Belén Fernández, calificó de "despropósitu no fondero y nes formes" el reglamentu de la nueva llei de Costes acabante d'aprobase.
A preguntes de los periodistes, nuna rueda prensa ofrecida tres la xunta del Conseyu de Gobiernu, Belén Fernández dixo que la nueva norma constitúi una "vuelta de tuerca" na "destrucción" y "la privatización" de la mariña, al favorecer "l'arbitrariedá" nos "desllindes y l'abandonu" de la protección ambiental de la mariña.
En recordando qu'Asturies presentó un recursu al Tribunal Constitucional contra la Llei de Costes, criticó al Ministeriu d'Agricultura, Alimentación y Mediu Ambiente por vetar "l'alderique" sobre'l reglamentu nes conferencies sectoriales de Mediu Ambiente. La dirixente asturiana ve "llamentable" que se prohibiera "debatir" sobre l'asuntu a les comunidaes autónomes, que tienen competencies en Mediu Ambiente y mariniegu. "N'Asturies tenemos una arquitectura normativa sólida que da mayores garantíes y protección xurídica, pero esto ye un pasu p'atrás", atayó.
