UVIÉU, 25 d'Abril (EUROPA PRESS)
El Conseyeru de Presidencia y Participación Ciudadana, Guillermo Martínez, desactivó esti martes, a les 17.21 hores, el Plan d'Incendios Forestales del Principáu d'Asturies (INFOPA) al permanecer activu namás un fueu en Vigaña, en Balmonte.
Según informen dende'l Serviciu d'Emerxencies del Principáu (SEPA) en nota de prensa, ente les causes de la desactivación del Infopa tán les agües qu'esti añu rexistra la comunidá y que resulten favorables pal control de los fueos, asina como la meyora nos llabores d'estinción que dexaron que la mayor parte de les quemes forestales rexistraos n'Asturies tean estinguíos.
Nestos momentos contabilícense 6 incendios forestales en 4 conceyos. Toos tán controlaos nun siendo'l llocalizáu en Vigaña (Balmonte) que permanez activu.
En concreto, tán controlaos los fueos rexistraos en La Sierra, n'Ayande; El Faéu, en Balmonte; Navedo y Herias, n'Eilao/Villayón; y Grandas, en Grandas de Salime.
