El Gobiernu asturianu destaca la "firmeza" y "contundencia" coles qu'actuó énte'l 'casu marea'

 

El Gobiernu asturianu destaca la "firmeza" y "contundencia" coles qu'actuó énte'l 'casu marea'

Contador
Guillermo Martínez
EUROPA PRESS
Publicado 13/09/2017 15:03:18CET

UVIÉU, 13 Sep. (EUROPA PRESS) -

El conseyeru de Presidencia del Gobiernu asturianu, Guillermo Martínez, destacó esti miércoles la "firmeza" y la "contundencia" coles que l'Executivu rexonal actuó énte'l denomináu 'casu marea', una trama de corrupción na contratación pública asturiana.

Díes depués de conocese'l fallu, l'Audiencia Provincial d'Uviéu ta dando a conocer estos díes una sentencia que condera al exconseyeru asturianu d'Educación, José Luis Iglesias Riopedre, a seis años de carcel por prevaricación, falsedá en documentu mercantil, fraude a l'alministración y sobornu. Otra de les principales acusaes, la exdirectora xeneral María Jesús Otero foi conderada a nueve años y seis meses de prisión mentes que la funcionaria Marta Renedo a nueve años. Dos empresarios implicaos foron condenaos a seis años y mediu caún. Son les principales condenes.

Al pregunta-y pola sentencia, Martínez esplicó qu'entá nun tuviera oportunidá de conocer el testu escritu de la mesma. Sicasí, esplicó que'l Gobiernu del Principáu pidió dende'l principiu responsabilidaes nun yá económiques, sinón tamién de cárcel. "Lo que dicta'l fallu de la sentencia parécese muncho a lo que solicitaba Fiscalía y el Principáu", comentó.

Amás, recordó que la postura del Principáu siempre foi la de considerar qu'esos fechos merecen una condena xurídica y que na sociedá nun pue haber sitiu los comportamientos qu'esplica la sentencia.

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies