El Gobiernu asturianu, partidariu de la "prudencia" en tolo referente al 'tax lease'

Europa Press

UVIÉU, 24 de Mayu (EUROPA PRESS)

El presidente d'Asturies, el socialista Javier Fernández, insistió esti vienres na importancia d'actuar con "prudencia" en tolo relativo a la problemática relativa al 'tax lease', el réxime d'ayudes a astillero españoles denunciáu por Holanda ante la Unión Europea.

Fernández respondió na sesión plenaria de la Xunta Xeneral del Principáu a una pregunta de la vocera del PP, Mercedes Fernández, sobre les xestiones que realizó en defensa de los intereses d'Asturies nel so viaxe a Bruxeles del pasáu 14 de mayu cuando se reunió col Comisariu de Competencia, Joaquín Almunia.

El presidente asturianu, dixo que'l principal oxetivu del viaxe foi falar del 'tax lease', porque afecta de forma decisiva al futuru de los astilleros. "El procesu conlleva munchos riesgos pal sector naval español", manifestó.

N'esplicando qu'existen informes xurídicos y técnicos sobre l'asuntu que tovía han estudiase, Javier Fernández dixo a la vocera del PP que nun ta dispuestu a cometer imprudencia alguna nes sos declaraciones. Asina, encamentó-y que tome exemplu de la prudencia cola que ta actuando nesta materia'l ministru d'Industria, José Manuel Soria, asina como otres comunidaes autónomes interesaes, como Galicia.

Merceesd Fernández, sicasí, manifestó que nel so partíu vieron con un horizonte d'optimismu aquel viaxe, nel que Javier Fernández se diba a reunir con un compañeru de "partíu". Sicasí, la vocera 'popular' manifestó que les conclusiones nun la tranquilicen.

Consideró que Javier Fernández tendría de ser "más contundente" en defensa de los intereses del sector, y criticó que'l mesmu Almunia nun quisiera recibir a representantes de los constructores d'astelleros, y dio-yos un "portazu".