El Gobiernu asturianu rexistra'l mayor importe mediu hipotecáu con 154.324 euros

UVIÉU, 24 de Mayu (EUROPA PRESS)

Asturies rexistró'l mayor importe mediu hipotecáu con 154.324 euros y presenta la mayor tasa de variación interañal positiva con un 39,3 pOr cientu, según datos publicaos esti xueves pol Institutu Nacional d'Estadística (INE).

Mientres, en tol país, el númberu d'hipoteques constituyíes sobre viviendes subió a 24.918 en marzu d'anguaño, marcando una de les cifres más baxes de la serie histórica, con una cayida del 42 por cientu sobre'l mesmu mes del 2011.

Col retrocesu interañal de marzu, les viviendes hipotecaes encadenaron 23 meses de cayíes consecutives. El descensu de marzu foi algo más moderao que'l de febreru, cuando les viviendes hipotecaes baxaron más d'un 47 por cientu.

Les 445 viviendes hipotecaes nel segundu mes del añu n'Asturies algamaron un montante global superior a los 48,6 millones d'euros.

Amás de les viviendes, en marzu hipotecábense n'Asturies 161 finques urbanes d'otru tipu por valor de 13,8 millones d'euros, y 43 cortiles por importe de 20,1 millones, de manera que, en total, firmáronse hipoteques sobre 649 finques urbanes por un montante superior a los 82,6 millones.

Los bancos otorgaron la mayoría de los préstamos, en concreto 363 por una cuantía de 56 millones, siguíos de les caxes d'aforru con 37 por 2,7 millones, y otres entidaes 249 por valor de 23,9 millones.

A les finques urbanes sumáronse 104 finques rústiques, sobre les que se soscribieron hipoteques por valor de 33,4 millones d'euros. Nesti casu los bancos dieron 81 préstamos por 30,7 millones d'euros, y les caxes d'aforru tres préstamos por 438.000 euros. Otres entidaes concedieron 20 préstamos por 2,2 millones d'euros.

Con estes cifres, en febreru hipotecáronse n'Asturies un total de 753 finques por más de 116,1 millones.

A lo último, nel segundu mes del añu canceláronse n'Asturies 788 hipoteques, nel so mayor parte sobre viviendes (476) y a les que siguieron otres finques urbanes (212), finques rústiques (77) y solares (23).

DATOS NACIONALES

L'importe mediu de les hipoteques constituyíes sobre viviendes algamó en marzu los 103.782 euros, un 7,8% menos que nel mesmu mes de 2011, mientres que'l capital emprestáu baxó un 46,5%, hasta los 2.586 millones d'euros.

En tasa intermensual (marzu sobre febreru), les hipoteques sobre viviendes baxaron un 5,7%, frente al descensu del 9,4% qu'esperimentaron en febreru en valores mensuales.

Acordies colos datos del organismu estadísticu, mientres el tercer mes del añu constituyéronse 42.117 hipoteques sobre finques rústiques y urbanes (dientro d'éstes últimes inclúyense les viviendes), cifra que supón un descensu del 38,9% al respecto de de marzu del 2011.

El capital de los creitos hipotecarios concedíos baxó un 41,5%, hasta los 4.743,8 millones d'euros, en cuantes que l'importe mediu de les hipoteques constituyíes sobre'l total de finques subió a 112.635 euros, un 4,3% menos qu'en marzu del 2011.

LOS BANCOS, LOS QUE MÁS CREITOS CONCEDIERON.

Los bancos fueron les entidaes que concedieron un mayor númberu de creitos hipotecarios en marzu, al atropar el 70,2% del total, siguíes de les caxes (14,1%) y d'otres entidaes financieres (15,7%). En cuanto al capital emprestáu, los bancos concedieron el 73% del total, les caxes el 12,4% y otres entidaes, el 14,6%.

El tipu d'interés mediu en marzu de los préstamos hipotecarios algamó'l 4,37%, un 10,8% más que nel mesmu mes del 2011, y un 0,5% superior al rexistráu en febreru. El tipu d'interés mediu nes caxes foi del 4,43% y el plazu mediu de 21 años, mientres que nos bancos foi del 4,50%, con un plazu mediu de 21 años.

El 94,1% de les hipoteques constituyíes en marzu utilizó un tipu d'interés variable, frente al 5,9% de tipu fixu, siendo l'Euribor el tipu de referencia más utilizáu, al tar presente nel 87% de los nuevos contratos.

Per otra parte, el númberu total d'hipoteques con cambios nes sos condiciones xsubió en marzu a 25.747, con un descensu del 22,8% sobre marzu del 2011. Nel casu de les viviendes, el númberu d'hipoteques que modificaron les sos condiciones baxó un 22,4%.

Atendiendo a la clase de cambiu nes condiciones de la hipoteca, en marzu produxéronse 21.678 modificaciones pero sin cambari d'entidá financiera (novaciones), lo que representa una reducción interañal del 21,2%. Pela so parte, el númberu de préstamos que cambiaron d'entidá (subrogaciones al acreedor) foi de 2.955, un 31,7% menos qu'en marzu del 2011.

Amás, nel tercer mes del añu un total de 1.114 hipoteques cambiaron de titular del bien hipotecáu (subrogaciones al deudos), lo que supón un descensu del 27% al respecto de marzu del añu pasáu.