MADRID, 26 Sep. (EUROPA PRESS) -
El Gobiernu ameyoró les sos previsiones macroeconómiques y estima agora que'l PIB va medrar un 1,3% anguaño, frente al 1,2% afitáu enantes, y que se va acelerar al 2% en 2015, frente al 1,8% plantegáu nel anterior cuadru macroeconómicu.
L'Executivu optó finalmente por ameyorar les sos estimaciones de medría pese al parón européu y al debilitamientu de dellos valores na economía española, anque, nel casu de 2014, quedóse lloñe del 1,5% al que s'aspiraba de primeres del branu.
El Gobiernu envalora que se van crear 622.000 empleos ente esti añu y el que vien, tres seis exercicios siguíos de destrucción de puestos de trabayu. Asina, la tasa de paru va acabar 2015 nel 22,2%, porcentaxe inferior al de finales de la llexislatura pasada.
