MADRID, 13 Jul. (EUROPA PRESS) -
La vocera del Gobiernu y ministra d'Educación y Formación Profesional, Isabel Celaá, dixo esti vienres que'l Gobiernu nun considera les revelaciones realizaes por Corinna zu Sayn-Wittgenstein sobre les irregularidaes fiscales supuestamente cometíes por Xuan Carlos I porque son "antigües" y "nun afecten" al actual Rei, Felipe VI.
"Nun afecten al xefe del Estáu, Felipe VI. Son grabaciones antigües y nin les consideramos", declaró na rueda de prensa posterior al Conseyu de Ministros cuando-y preguntaron sobre'l planteamientu d'Izquierda Unida de solicitar la creación d'una comisión d'investigación nel Congresu p'analizar esti asuntu y pidir que compareza énte ella'l Rei eméritu.
INVESTIGACION DE FACIENDA
Per otru llau, la ministra de Facienda, María Jesús Montero, refugó esclariar si empecipióse una investigación a Xuan Carlos I en conociéndose les grabaciones, según les cualos el Rei eméritu utilizó a Corinna zu Sayn-Wittgenstein como testaferru pa despintar patrimoniu nel estranxeru. "L'Axencia Tributaria, por llei, nun fala de contribuyentes, d'espedientes, nin invetigaciones", indicó.
