MADRID, 25 de Xunetu (EUROPA PRESS)
El Gobiernu decidió recurrir la Llei aprobada esti llunes 24 de xunetu pol Parlamentu Balear sobre espectáculos taurinos, y que prohíbe la muerte y el sufrimientu del animal, y asina lo comunicó al executivu autonómicu.
El secretariu d'Estáu de Cultura, Fernando Benzo, reunióse esti martes 25 de xunetu cola conseyera de Cultura de Baleares, Fanny Tur. Nel alcuentru, celebráu na secretaría d'Estáu, Benzo comunicó-y la decisión del Gobiernu de recurrir la norma balear ante'l Tribunal Constitucional.
Según informa Cultura, Benzo treslladó a la responsable Balear que'l Gobiernu considera qu'esta norma, que regula les corríes de toros, incumple la constitución al invadir competencies de l'Alministración Xeneral del Estáu.
Coles mesmes, recordó a la conseyera que les Cortes Xenerales aprobaron va cuatro años la Llei que regula la Tauromaquia como patrimoniu cultural de tolos españoles. Igualmente, treslladó-y que n'ochobre del 2016 el Constitucional confirmaba en sentencia que ye competencia de l'Alministración Xeneral del Estáu garantizar el caltenimientu y promoción de la Tauromaquia como patrimoniu cultural.
El Gobiernu adelantó esti mesmu llunes que l'Abogacía del Estáu estudiaría si la norma autonómica invadía competencies del Estáu y, de ser asina, avanzó la so voluntá de recurrila.
