El Gobiernu ta buscando "la fórmula más apropiada" pa lliberar a los pescadores

   La vicepresidenta primera del Gobiernu, María Teresa Fernández de la Vega, insistió esti llunes en que'l Gobiernu español ta buscando la "fórmula más apropiada" pa lliberar a los pesadores del atuneru vascu 'Alakrna', que lleven 39 díes secuestraos por pirates somalís, según informó en rueda prensa dende la embaxada d'España n'Arxentina, tres caltener un alcuentru cola presidenta de la República Arxentina, Cristina Fernández Kirchner.

   "Alcontrarémosla. Seguro que la vamos alcontrar. Poro, vuelvo a apellar al rigor y a la responsabilidá de toos, porque toos queremos ayudar y pa eso toos tenemos que dir na mesma direición", aseguró De la Vega, al tiempu qu'indicó que la "prioridá absoluta" del Executivu español ye lliberar a los reteníos. "Podemos dicilo más alto, pero non más claro", añadió.

   Asina, esplicó que'l Gobiernu trabaya "dende hai 35 díes" pa que los pescadores tornen a España "sanos y salvos". "Ye un llabor nel que-y aseguro que ta empeñáu tol Gobiernu d'España. El presidente díxolo esti llunes mesmu y yo por supuesto repítolo", apuntó De la Vega.

   Na so opnión, trátase d'una situación "difícil", polo que solicitó "prudencia y responsabilidá", al tiempu qu'indicó que l'Executivu español ta esplorando toles víes, absolutamente toes. Trabayando en tolos ámbitos". "Too ello, cola única llende que nun pue ser otra que la del respetu a la llei", acabó.