El Gobiernu va aportar "tolos medios" a los familiares que busquen a los suyos nes foses

EP

MADRID, 19 de Payares (EUROPA PRESS)

El ministru de Xusticia, Mariano Fernández Bermejo, aseguró güei que'l Gobiernu "va siguir trabayando" p'aportar "tolos medios" a "los familiares que busquen a los suyos nes foses y quiera da-yos un enterramientu como tien de ser un día dempués de que'l xuez de l'Audiencia Nacional se desabriere de la so investigación sobre los desapaecíos na Guerra Civil y el Franquismu en favor de los xulgaos territoriales".

"El Gobiernu lleva faciendo munches coses nesti tema y va siguir faciéndoles", aseguró Bermejo, qu'insistió en que "el Gobiernu va siguir trabayando pa dar bon fin a tol que tea tentando de rescatar a los sos familiares nes foses y que quieran da-yos un enterramientu como tien de ser". "Vamos siguir trabayando neso", calcó.

El titular de Xusticia que güei inauguró unes xornaes d'estudiu de l'Abogacía Xeneral del Estáu na sede del so Ministeriu, recordó que "cuando acaba una investigación xudicial acaba", pero matizó que "otra cosa ye l'aición del Gobiernu que va dirixida con tolos medios a que toles families que busquen a los suyos tengan los medios que necesitan".

El ministru nun quiso valorar la decisión de Garzón puesto que, según dixo, trátase d'una resolución xudicial. "Nun entro nel conteníu de resoluciones xudiciales, collaboramos con esi xulgáu mientres tuvo actuando y agora respetamos la so decisión", dixo.

"INDIVIDUU" DE JUAN CHAOS

De la mesmamanera, entrugáu pola situación de José Ignacio de Juana Chaos, señaló que les autoridaes d'Irlanda del Norte, onde ta l'ex presu d'ETA en situación de llibertá condicional de magar la orde de busca y arrestu internacional que pesa sobre él, ta faciendo'l so trabayu.

"Cuando un xuez s'enfrenta a un procesu d'estradición tien de siguir les regles, tán faciéndolo y paezme mui bien, tamos nel ámbitu européu y dexemos que trabayen, de momentu esi individuu presentóse y la Xusticia ta actuando nel ámbitu européu", espresó.

Entrugáu sobre la muerte d'un mozu'l pasáu fin de selmana en Madrid na puerta d'una discoteca tres recibir una paliza de los responsables de la seguridá del llocal y concretamente sobre la llexislación de los porteros de discoteca, el ministru llendóse a unviar la entruga "a la Comunidá de Madrid, que ye la competente".