El Gobiernu vincula l'alcuerdu presupuestariu a la concreción de les propuestes de los grupos

Contador
Reunión de presupuestos IU PSOE
GOBIERNO DE ASTURIAS
Publicado 11/10/2017 13:49:33CET

UVIÉU, 11 Oct. (EUROPA PRESS) -

El conseyeru de Presidencia y Participación Ciudadana, Guillermo Martínez, vinculó esti miércoles la posibilidá d'algamar un alcuerdu pa los presupuestos de 2018 a conocer la concreción de les propuestes de los grupos parllamentarios. La primer ronda de contactos acaba'l vienres con Podemos y Ciudadanos.

El portavoz del Executivu asturianu repitió, mentes la rueda de prensa posterior al Conseyu de Gobiernu, la voluntá del Principáu d'algamar un alcuerdu "ente les fuercies d'esquierdes". Asina, espera que frutien los alcuentros con IX y Podemos pa sacar alantre les cuentes del añu que vien.

"L'oxetivu ye disponer de presupuestos", remarcó Martínez, añadiendo que la voluntá d'alcuerdu del Gobiernu "ye máxima". "Van ser les esixencies concretes de cada fuercia les que van facilitar o van enzancar l'alcuerdu", añadió, retardando l'analís de la situación al términu de la primer ronda de contactos.

L'Executivu del socialista Javier Fernández abrió les negociaciones el vienres pasáu con IX. Depués d'iguar les axendes, les xuntes siguieron el llunes col PP y prosiguen esti mesmu miércoles con Foru. Énte l'asistencia de Javier Fernández al desfile del 12 d'ochobre que se celebra en Madrid, los alcuentros con Podemos y con Ciudadanos fixáronse pal vienres.

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies