González Pons almite que les últimes encuestes-yos "presten menos" pero ta seguru de que'l PP va ganar les europees

EP

MADRID, 2 de Xineru (EUROPA PRESS)

El vicesecretariu de Comunicación del PP, Esteban González Pons, mostróse güei convencíu de que'l presidente del Gobiernu, José Luis Rodrígeuz Zapatero, perdió "cientos de miles de votos" dende les pasaes elecciones xenerales de marzu, pese a que delles encuestes asitien al PSOE más de dos puntos penriba del PP. Dicho esto, aseguró que'l so partíu va ganar les elecciones europees que, según dixo, son una "reválida" pal Executivu.

Nuna rueda prensa na sede nacional del PP, González Pons almitió qu'esos sondeos que publicaron güei dalgunos medios de comunicación "presten-y menos" al so partíu pero añadió que "les encuestes nun dexen de ser un pronósticu".

"A nós la encuesta que verdaderamente mos importanta ye la Encuesta de Población Activa (EPA) que vamos conocer la selmana que vien y que diz cuántos españoles acabaron siendo víctimes del paru nos últimos meses", señaló.

González Pons señaló que creer en toles encuestes que se publiquen diba significar aceptar que'l presidente del Gobiernu "nun perdió nengún votu dende'l mes de marzu". "Nun-y quiero quitar valor a les encuestes. Toi conveníu de que Zapatero perdió miles y cientos de miles de votos dende'l mes de marzu", esplicó.