UVIÉU, 25 Sep. (EUROPA PRESS) -
El grupu La Kashmir que se clasificó na semifinal celebrada en Piloña, foi escoyíu esti domingu ganador de la final de FestiAMAS 2017 un concursu musical que contó con siete semifinales, 28 semifinalistes y 158 inscritos.
Súmanse nel palmarés del festival a Ofensivos, ganadores de la primer edición; Zombie Dolls, vencedores na segunda; Hammercross, trunfadores na tercera. SWAP ganadores de la cuarta edición. La Kashmir va grabar un discu como parte del premiu del concursu, gracies a la collaboración de Caxa Rural d'Asturies.
La final celebróse esti domingu 24 de setiembre nel escenariu festivu de San Mateo, Uviéu, na plaza de la Catedral, con ambiente bono de públicu y ambiente de camaradería ente los finalistes, amás de siete actuaciones de nivel grande.
Los grupos finalistes foron La Kashmir (clasificáu en Piloña), Hate in Veins (clasificáu en Castrillón), Nueva Kenobi (clasificaos en Cangas), Mad Rovers (clasificaos en Siero), B Suite (clasificaos en Tapia), Voodoo Grass (clasificaos en Carreño) y Seesounds (clasificaos en Pravia).
