Guantánamo.- Reinu Uníu va acoyer a los presos de Guantánamo nun xestu p'ayudar a Obama a pesllar la prisión

LONDRES, 02 de Xineru (EUROPA PRESS)

Reinu Uníu ta preparándose pa recibir a prisioneros enzarraos na base militar de Guantánamo pa que'l presidente electu norteamericanu, Barack Obama, puea cumplir cola so promesa y pesllala enantes del 2010.

Fontes gubernamentales aseguren que Reinu Uníu apoya'l treslláu de presos a pesar de la oposición previa que manifestó'l presidente estaounidense, George Bush, según informa'l diariu 'The Times', Al paecer yá entamó'l procesu pa repartir a los deteníos que tán na prisión noteamericana y, según les fontes, les decisiones "van corresponder a la ministra británica d'Interior, Jacqui Smith, que va eximinar casu por casu".

El fechu d'acoyer terroristes estranxeros que nun tengan llazos con Reinu Uníu ye una cuestión que va crear controversia nel país. Nesti sen, el Ministeriu d'Asuntos Esteriores ta más presdispuestu a recolocar a los terroristes qu'otros departamentos que van necesitar ente otros aspeutos, subsidiu de vivienda.

"Por supuesto que'l Ministeriu d'Esteriores quier facelo, puesto que pretende entamar bien con Obama", manifestó la fonte. "Ésti tipu de coses que requieren una decisión del gabinete", añadió.

Reinu Uníu ta d'acuerdu col zarru de la prisión y considera qu'EE.UU va necesitar ayuda pa que Guantánamo pase a ser historia. D'ehí que dellos países s'ofrecieren p'acoyer presos, ente ellos Alemaña. Amás, el ministru d'Asuntos Esteriores de Portugal, Luis Amado, encamentó a los sos homólogos europeos a qu'acepte la propuesta y plantegar dicha cuestión demientres un conceyu colos ministros d'esteriores europeos que van tener llugar esti mes.