GAZA, 22 d'Agostu (Reuters/EP)
Milicianos d'Hamás executaron a polo menos 18 presuntos collaboracionistes con Israel na Franxa de Gaza esti vienres, dalgunos d'ellos de manera pública nuna céntrica plaza de Gaza.
Siete palestinos acusaos de collaborar col Gobiernu israelín morrieron executaos nun actu públicu na plaza central, según informaron testigos y el mesmu Hamás na so páxina web.
Les víctimes, coles cabeces cubiertes y les manos ataes, fueron ablayaes a tiros por homes amazcaraos vistíos de negru delantre de gran cantidá de xente frente a una mezquita, tres la oración del vienres, según los testigos y 'Al Majd', una web partidaria del Movimientu de Resistencia Islámicu.
A otres once persones sospechoses de collaborar con Israel executáronles milicianos nuna comisaría de Policía abandonada en Gaza hores antes, según responsables de seguridá d'Hamás.
