HazteOír esixe a Rajoy que pida la derogación de la Llei del Albuertu

Reuters

MADRID, 08 de Marzu (EUROPA PRESS)

El presidente de la plataforma ciudadana HazteOír, Ignacio Arsuaga, acusó esti llunes al líder del PP, Mariano Rajoy, de "nun querer escuchar" a los manifestantes que'l domingu reclamaron l'abolición de la Llei de Salú Sexual y Reproductiva y Interrupción Voluntaria del Embaranzu, y esixó-y un compromisu claru con esta causa.

En declaraciones a Europa Press, Arsuaga respondía asina a la posición espresada por Rajoy, que dixo que nun va facer falta llevar la derogación de la citada llei nel so programa electoral porque ta seguru que'l Tribunal Constitucional va actuar antes sobre'l testu.

"El Presidente del PP nun pue delegar la so responsabilidá como principal partíu de la oposición nel Tribunal Constitucional. La responsablidá del PP ye presentase a les próximes elecciones xenerales con un compromisu claru pa derogar esta llei", señaló Arsuaga.

Na so opinión, "el Constitucional ye un tribunal altamente politizáu que va tardar posiblemente más de cuatro o cinco años en resolver un posible recursu d'inconstitucionalidá pero les próximes elecciones xenerales van tener llugar dientro de dos años".

"Los ciudadanos que defendemos el derechu a vivir de tolos seres humanos, tamién los non nacíos, nun vamos dexar que Rajoy se salga pela tanxente y arrenuncie a la so responsabilidá política", aseguró Arsuaga, "convencíu de que si'l PP nun inclúi la derogación nel so programa nun va poder ganar a Zapatero".