UVIÉU, 10 de Marzu (EUROPA PRESS)
Iniciativa pol Asturianu sacó alantre otra nueva edición de los sos cursos, que van entamar de magar la primer selamana del mes de abril. Nesta edición, amás de los ya conocíos d'asturianu van incluyise otros de creación poético, cómic y teatru. El plazo para matricularse ta abiertu dende güei hata'l 26 d'esti mes.
La duración de los cursos va tener modificaciones en comparanza con otros años por mor d'estes nueves incoporaciones y les sos concretes necesidaes. Asina, los cursos van durar 35 hores y van celebrase dende'l mes de marzu a finales d'añu, dependiendo de los díes festivos de cada conceyu y de les circunstancies de cada cursu, sacantes el cursu de creación poética que va durar 16 hores.
Como n'otres ediciones, los cursos d'asturianu van cuntar con un diploma d'aprovechamientu otorgáu pola Academia de la Llingua Asturiana pa l'alumnáu que supere'l cursu, nel restu de los cursos entrégase diploma d'aprovechamientu d'Iniciativa pol Asturianu.
La matrícula fairáse efectiva col ingresu de 60 euros (50 euros pa socios d'Iniciativa pol Asturianu), a diferencia del cursu d'Introducción al Cómic que tien un preciu de 70 euros (60 euros pa socios) o el de Creación poética que son 40 euros (30 euros pa socios). Tolos cursos incluyen los materiales pertinentes.
