Iberdrola Renovables algama'l so récor de producción eólica

   Iberdrola Renovables algamó'l domingu'l so récor de producción eólica n'España, con una cifra neta consolidada de 77.872 megavatios hora (MWh), informó la compañía.

   La filial d'Iberdrola algamó una ponencia instalada en tol so mercáu de 5.200 MW. La capacidá eólica asitia en 4.806 MW, con un alza de 356 MW ente setiembre del 2008 y 2009.

   Amás, la compañía cuenta nel país con 342 MW en centrales minihidráuliques, 50 MW na planta termosolar de Puertollano (Ciudá Real) y 2 MW na so primer central de biomasa forestal, asitiada en Corduente (Guadalaxara).

   Iberdrola Renovable aumentó la producción d'enerxía eléctrica un 24,4% ente setiembre del 2008 y 2009, hasta algamar los 15.052 millones de kWh (14.566 millones de kWh n'enerxía eólica, 477 millones de kWh en minihidráuliques y nueve millones de kWh n'otres tecnoloxíes).

   N'enerxía eólica, 6347 millones de kWh (el 42,2% del total) correspuenden a enerxía xenerada n'España; 5.735 millones de kWh a Estaos Uníos; 1.272 millones de kWh al Reinu Uníu y 1.213 millones de kWh al restu del munu. El 96,8% de la producción de la compañía nel mundu correspuende a enerxía eólica.