UVIÉU, 19 de Xineru (EUROPA PRESS)
L'escritor llangreanu Iyán Vigil interpunxo una quexa ante la Inspección de Personal y Servicios de Seguridá del Ministeriu d'Interior, dempués de que se-y torgara renovar el so DNI na Comisaría de la Policía Nacional d'esti conceyu, al utilizar el topónimu asturianu Llangréu, reconocíu oficialmente dende va más de diez años.
Nel formulariu de quexa, Iyán Vigil afirma que la funcionaria que tramitó la renovación afirmó nun poder rellacionar los datos col topónimu oficial 'Langreo-Llangréu'. Vigil entiende que se trata de "una discriminación por mor del idioma y una irregularidá na toponimia oficial".
L'escritor llangreanu quéxase amás del tratu recibíu en Comisaría, asegurando que la persona que lu atendió afirmó "ah, eso del bable", cuando preguntó pola posibilidá de poner el términu 'Llangréu'.
Llangréu ye oficial dende'l 7 de xunetu del 2005, cuando'l Conseyu de Gobiernu del Principáu aprobó'l llistáu de topónimos del conceyu.
