UVIÉU, 12 d'Agostu (EUROPA PRESS)
L'escritor xixonés Inaciu Galán y González ye'l ganador de la vixésimo tercer edición del Premiu de Poesía Fernán Corones, que como tolos años convoca la Sociedá Cultural y Popular La Regalina de Cadavéu.
El xuráu optó por premiar el poemariu 'Nes ruines de la nueche y les hores', robláu por Llarina Cadavéu, que resultó ser el seudónimu del escritor ganador, conocíu tamién por ser el presidente de l'asociación Iniciativa pol Asturianu.
La corrección llingüística, el ritmu y la musicalidá fueron dalgunos de los aspectos destacaos pol xuráu pa premiar la obra. El galardón fallóse'l pasáu 7 d'agostu na Casa Natal del Padre Galo, en Cadavéu (Valdés).
