Industria va subir la lluz un 5% mensual dende febreru a les grandes plantes del G.4

Los incentivos a la inversión en xeneración eléctrica sólo van destinase a les plantes que funcionen al 90% de la so potencia

UVIÉU/MADRID, 02 de Xineru (EUROPA PRESS)

El Ministeriu d'Industria va aplicar de magar febreru un incrementu mensual del 5% na factura de la lluz de les cinco grandes plantes de producción industrial acoyíes a la tarifa G.4 pertenecientes a Arcelor Mittal, Asturiana de Zinc y Alcoa, toes elles con instalaciones n'Asturies.

Esti recargu mensual va aplicase hasta la entrada en vixencia de la nueva Tarifa d'Últimu Recursu (TUR) a lo último del primer semestre, tres la que los usuarios de la G.4 van pasar al mercáu llibre. Si se realicen tolos incrementos mensuales, el coste de la electricidá podía encarecese en más del 25% hasta xunu pa esti tipu de clientes.

La orde ministerial, amás de regular les tarifes del G.4, inclúi una subida media del 3,4% pa los clientes de baxa tensión. D'esti grupu, los cerca de 25 millones d'usuarios domésticos esperimenten un recargu del 3,5%, frente al 2,8% de les Pymes con pontencies superiores a 15 kilovatios.

PERDA DE COMPETITIVIDÁ

Los grandes consumidores d'enerxía vienen denunciando dende xunetu del 2008, cuando se lliberalizaron les tarifes d'alta tensión menos les del G.4 una perda de competitividá de l'actividá industrial pol aumentu del coste electricidá.

A mediaos d'avientu, el presidente de la patronal siderúrxica Unesid, Gonzalo Urquijo, indicó que les plantes del G.4 ultimen acuerdos coles compañies eléctriques que-yos permiten caltener la so competitividá pese a la lliberación de tarifes. Esti grupu de plantes representa, en términos de volume, el 25% del consumu eléctricu.

Pela so parte, el Ministeriu d'Industria trabaya nos detalles últimos d'un acuerdu coles compañíes eléctriques p'acabar col desaxuste ente costes y ingresos de la xeneración elétrica p'acabar col desaxuste ente costes y ingresos de la xeneración elétrica n'España, conocíu como déficit tarifariu.

Como parte de la negociación y, en concreto, como parte de les posibles concesiones a les que les compañíes podíen tar dispuestes, figura un compromisu de les eléctriques pa facilitar la tresmisión al mercáu llibre del grupu del G.4.