Iniciativa Pol Asturianu pide a la DOP Sidra d'Asturies qu'use l'asturianu na so próxima campaña

 

Iniciativa Pol Asturianu pide a la DOP Sidra d'Asturies qu'use l'asturianu na so próxima campaña

Sidra.
SIDRA DE MANZANA SELECCIONADA/EP
Publicado 13/06/2017 19:44:33CET

OVIEDO, 13 Jun. (EUROPA PRESS) -

L'asociación Iniciativa pol Asturianu pidió públicamente a la entidá de Denominación d'Orixe Protexíu de la Sidra d'Asturies qu'use con normalidá l'idioma propiu na so nueva campaña, como yá fixera n'otres vegaes.

"De la mesma manera que les entidaes de Denominación d'otros sitios rentabilicen como valor añadíu'l so orixe, la de la Sidra asturiano lo fai amosando que s'usa productos y fabricación asturianos pero nun usa la llingua que ye propia del llugar onde se fai. Lo cual ye llamativo, nuna campaña nomada 'Asturiano 100%'", comenta la organización.

Iniciativa reconoz "la importancia y los bonos resultaos del usu del asturianu na publicidá y más nesti tipu de productos". Faciendo suyes les pallabres de Lluis Nel Estrada na so comparecencia na Xunta Xeneral: "Ye la nuestra llingua asturiana tan importante cuando mos referimos al sector agroallimentariu y a la gastronomía asturiana que nun podrían pescanciase estos caberos ensin la primera. Porque los nuestros productos de calidá y la nuestra gastronomía denómense, falen y esprésense n`asturianu".

Sicasí, la entidá quier tender pontes y facer un llamáu "pa sofitar ya ayudar a qu'esti tipu de campañes puedan facese con un bon usu del idioma. Poro, ofrécense pa resolver cualesquier dulda o problema que pueda surdir nesti sen".

La actualidad más visitada en EuropaPress logo: La actualidad más vista
Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies