UVIÉU, 21 Jun. (EUROPA PRESS) -
L'asociación Iniciativa pol Asturianu pon en marcha d'un campamentu de branu pa rapazos y rapaces de 6 a 16 años. El campamentu va celebrase del 8 al 15 de xunetu nel Albergue La Casona Amarilla, l'antigua residencia d'Hunosa en Villamanín, Llión.
El campamentu organízase baxo la xestión d'Abruja Ocio y va cuntar con un equipu de monitores de calidá, falantes d'asturianu que van facer que toles actividaes d'ociu que van facese a lo llargo de los ocho díes d'esti campamentu tengan por llingua vehicular l'asturianu.
El campamentu va cuntar coles actividaes tradicionales de los campamentos pensaos pa la mocedá y va tener delles actividaes especiales vinculaes a la llingua y cultura asturianes, como deportes tradicionales, historia d'Asturies y una biblioteca de llibros.
El preciu del campamentu ye de 240 euros, con descuentu a 210 pal segundu hermanu o segundu campamentu del branu con Abruja Ocio. Pa más información y inscripciones tán a disposicióin los teléfonos 647 583 859 y 622 044 703, amás del corréu abruja@abrujaocio.com. La páxina web*www.abrujaocio.com tamién cunta cola información del campamentu.
