Investigadores del CSIC recuperen per primer vez el grupu sanguineu de los neardentales

MADRID, 29 d'Avientu (EUROPA PRESS)

Investigadores del Conseyu Superior d'Investigaciones Científiques (CSIC) recuperaron en restos fósiles de neanderatales "dalgunos fragmentos del xen que ta implicáu na espresión de los grupos sanguíneos AB0", lo que supón "un pasu más na caracterización de cómo fueron los procesos d'evolución", dende un antepasáu común, que dieron llugar a la caracterización de dambes especies.

En declaraciones a Europa Press Televisión, el profesor d'investigación del Muséu Nacional de Ciencies Naturales del CSIC, Antonio Rosas, esplicó que, demientres la investigación, descubrieron que dos de los individuos neandertales de 'El Sidrón' dambos de sexu masculín, "son del grupu cero". Amás, realtó que la composición xenética d'estos dos individuos ye "igual a la que s'alcuentra na población actual d'homo sapiens".

"Esto significa que'l grupu sanguineu 0, al ser compartíu tanto por neandertales como por homo sapiens, debió de surdir, na evolución del xéneru homo, nel antepasáu común de los dos llinaxes", añadió.

Nesti sen, Rosas esplicó qu'ésti ye'l tercer descubrimientu d'estes característiques, puesto que con anterioridá se recuperaron otros dos xenes nucleares comunes rellacionaos cola capacidá de la falta y cola pigmentación de la piel y el pelo. Esto demuestra qu'hai "dalgunes característiques fisiolóxico-anatómiques que son comunes a los dos llinaxes", y que comporten un "tresfondu xenéticu ciertamente importante".

Sin embargu, sorrayó qu'una cosa ye que se comparte "una gran cantidá d'información xenética, en dalgunos casos mui específica", y otra que seyan "iguales". "Neandertales y Homos Sapiens son el resultáu de dos procesos d'evolución distintos y inependientes", defendió.

De la mesma manera, sorrayó qu'una cosa ye que se comparta "una gran cantidá d'información xenética, en dalgunos casos mui espedífica", y otra que seyan "iguales". "Neandertales y Homos Sapiens son el resultáu de dos proceoss d'evolución distintos y independientes", defendió.

De la mesma manera, Rosas apuntó qu'estes últimes investigaciones tán abriendo "un campu d'investigación de paleo xenética nuclear", que va tener el so próximu pasu, probablemente, "na publicación del xenoma neandertal". "El primer borrador de gran parte del xenoma de los neandertales va ser el siguiente gran pasu, lo que mos va abrir un gran espectru de posibilidaes a esplorar", matizó.