Isaac Pola releva a Francisco Blanco al mandu de la Conseyería d'Empléu, Industria y Turismu

Isaac Pola
PRINCIPADO
Publicado: viernes, 26 mayo 2017 16:37


UVIÉU, 25 de Mayu (EUROPA PRESS)

L'actual director xeneral de Minería y Enerxía, Isaac Pola Alonso, va relevar al mandu de la Conseyería d'Empléu, Industria y Turismu a Francisco Blanco, que presentó esti xueves la so dimisión en decidiendo reincorporase al so puestu de profesor na Universidá d'Uviéu. Blanco posicionóse mientres les primaries socialistes primeramente del llau de Pedro Sanchez y porteriormente asistió a actos de Patxi López.

Blanco esclaró esti xueves que va siguir nel PSOE y dexó abiertes toles posibilidaes. "Caltengo la mio afiliación y el mio compromisu col PSOE", dixo nunes cortes declaraciones a los medios de comunicación, nes que confirmó que va siguir col so puestu na Executiva de la Federación Socialista Asturiana (FSA)-PSOE.

El nuevu conseyeru, Issac Pola (Uviéu, 1963), ye doctor ya inxenieru superior de Mines na especialidá de Llaboréu y Esplosivos pola Universidá d'Uviéu, y atropa una amplia esperiencia en xestión. Na llexislatura pasada yá tuvo al mandu de la Dirección Xeneral de Minería y Enerxía, una responsabilidá qu'exerció tamién ente'l 2007 y el 2011.

Nesti momentu ye vicepresidente de la Comisión Rexonal de Seguridá Minera del Principáu y miembru del Conseyu Consultivu d'Eletricidá de la Comisión Nacional de los Mercaos y la Competencia, ente otros cargos.

Antes de formar parte del Gobiernu d'Asturies foi director del área d'Infraestructures Industriales del Institutu de Desarrollu Económicu del Principáu d'Asturies (Idepa), organismu dependiente de la Conseyería d'Empléu, Industria y Turismu.

Asturianu ofrecido por