Israel dispara cinco misiles contra'l sur del Líbano dempués del llanzamientu de dellos proyeutiles dende esti país

MADRID, 8 de Xineru (EUROPA PRESS)

L'Exércitu isarelí respondió güei con cinco misiles disparaos escontra dellos oxetivos nel sur de Líbano al llanzamientu de proyeutiles procedentes del otru llau de la frontera y que previamente causaren cinco firíos, según confirmaron un voceru del Exércitu hebréu y fontes de seguridá libaneses.

El voceru esplicó que se trata d'una "respuesta precisa al orixe de los disparos". Sicasí, les autoridaes del sur de Líbano ordenaron el zarru de les escueles como midida de prevención ante les posibles represalies.

Anteriormente, unes cinco persones resultaron firíes nel primer ataque escontra la zona de Galilea, onde la Policía recomendaba a la población permanecer en zones protexíes.

Ciudadanos del oeste d'esta población esplicaron que polo menos tres proyeutiles algamaren les sos comunidaes; ún d'ellos cayó cerca de Nahariya, según informaciones de medios llocales que tamién falen d'un impautu nuna residencia de mayores. Los cohetes, d'artillería Katyusha nun fueron llocalizaos darréu, pero la Policía recibió informaciones del llanzamientu de los mesmos.

AUTORÍA INCIERTA

Ayeri, el cabezaleru del partíu libanés Hezbolá, xeque Hassan Nasralá, alvirtió a Isarel a la escontra d'una aición militar en Líbano, asegurando que la guerra del branu del 2006 foi sólo "un 'picnic'" en comparanza colo que tienen "preparao" agora pa facer frente a les amenaces hebrees.

Sin embargu, fontes del Exércitu israelí descartaron de primeres que l'aición de güei lleve'l sellu de Hezbolá y en cambiu acusaron a milicies palestines como supuestos autores de los disparos. Como argumentu, los medios señalen que Hezbolá hai años que nun usa cohetes llanzaos escontra'l norte d'Israel.

Pela so parte, miembros de la misión de paz de la ONU y tropes libaneses intensificaron hai dos selmanes la patrulla na frontera con Israel, cuando l'Exércitu hebréu entamó la ofensiva militar escontra la Franxa de Gaza.