Israel plania interrumpir les operaciones militares en Gaza demientres tres hores al día

Reuters

XERUSALÉN, 7 de Xineru (Reuters/EP)

El Gobiernu israelí plania interrumpir les operaciones militares demientres tres hores cada día cerca de la ciudá de Gaza pa permitir la entrada d'ayuda pel corredor humanitariu que va abirr nel territoriu palestín dempués de que la ONU y abondes ONG denunciaren la crisis humanitaria que sufren los gazacís y que s'agravó tres l'entamu de la ofensiva hai 12 díes.

Según informaron güei fontes militares, "la idea ye que l'Exércitu deponga les sos armes cada día dende la una hasta les cuatro de la tarde, entamando güei, nel área de la ciudá de Gaza".

Nesti sen, autoridaes palestines na Franxa de Gaza señalaron que fueron informaes por Israel de que l'Exércitu va detener los sos ataques demientres esti periodu de tiempu pa permitir qu'abran les tiendes y se celebren los funerales.

Ayeri, la oficina del primer ministru isarelí, Ehud Olmert, anunciare que diba abrir un "corredor humanitariu" pa permitir la llegada d'ayuda humanitaria a la Franxa de Gaza, según recomendación de la cúpula del Exércitu.

Un voceru del primer ministru, Mark Regev, describió la midida como un "estatus especial pa facer posible'l pasu de persones, alimentos y melecines", y añadió que va entamar a aplicase de magar güei".