UVIÉU, 20 Abr. (EUROPA PRESS) -
El coordinador xeneral de la formación Ramón Argüelles, y la secretaria de Movimientos Sociales, Mayka Folles, fixeron esti xueves un llamáu a la máxima participación ciudadana na manifestación a favor de la oficialidá del asturianu que se va celebrar esti sábadu a les 12.00 hores n'Uviéu.
Nun comunicáu IX destaca que la so formación lleva años reivindicando "equiparación de derechos pa un patrimoniu llingüísticu que ye de toos y toes y que debe de gociar del mesmu status que quien tienen les llingües d'otres comunidaes autónomes".
"La situación de desigualdá que vivimos ye insostenible y nun fai más qu'afondar nel escenariu de minorización que venimos denunciando y que ye respondíu por informes de l'Alministración europea", sostienen.
Nesti sentíu, quieren que se garanticen los derechos llingüísticos y que la llingua asturiana nun desapareza y, por eso, amás de les iniciatives que vien desarrollando tanto a nivel parllamentariu como local, súmanse a la movilización y llamen a la participación esperando que se convierta nuna xornada histórica y nun pasu más por que el asturianu y el gallego-asturianu sían llingües de futuru.
