UVIÉU, 21 Ago. (EUROPA PRESS) -
IX convocó una concentración silenciosa en memoria del conceyal Javier Ardines y el repulsa contra la violencia. L'actu va facese esti martes a les 12.00 énte'l Conceyu de Llanes.
La convocatoria va incluyir la llectura d'un manifiestu ellaboráu pola agrupación d'IX Llanes y esta intervención va ser la única declaración pública que se realice, "atendiendo a la difícil y doliosa situación que viven tanto los sos compañeros y compañeres de partíu, amistaes y, mui especialmente, la so familia", indicaron dende la formación.
El cuerpu ensin vida de Javier Ardines atopólu'l xueves un vecín de la zona rural na que vivía. L'autopsia reveló que morriera de forma violenta. El sucesu causó una fuerte conmoción nel conceyu.
El cadabre apareció a unos metros de la so furgoneta, col motor encendíu, nun tramu nel qu'unes valles atrabancaben el camín. La Guardia Civil ta investigando lo asocedío y entrugando a bona parte de la so redolada. Nun ufrió información dalguna sobre l'estáu de les pesquises.
