IX recuerda al PSOE que l'impuestu de sucesiones tampoco nun taba nel so programa electoral

Contador
Ramón Argüelles y Gaspar Llamazares.
EUROPA PRESS.
Actualizado 14/11/2017 15:56:23 CET

UVIÉU, 14 Nov. (EUROPA PRESS) -

El coordinador xeneral d'IX, Ramón Argüelles, criticó que'l presidente d'Asturies dedicara nel so discursu "10 páxines a falar de Cataluña y l'encaxe d'Asturies n'España y namás 10 llinies pa dicir que la llingua asturiana va siguir como ta". Nesi sentíu, en rellación cola oficialidá, señaló que tampoco venía nel programa electoral del PSOE l'impuestu de sucesiones.

El coordinador xeneral d'IX realizó estes declaraciones xunto al portavoz d'IX, Gaspar Llamazares, esti martes depués del discursu de Javier Fernández nel Debate d'Orientación Política. Asina, Argüelles señaló que pa llegar a un alcuerdu con IX faen falta cuatro "pates fundamentales", basaes en polítiques sociales, l'empléu, el mediu ambiente y la llingua asturiana.

Argüelles solicitó "esfuerciu" y "sensibilidá" pa cola llingua propia "pa ser consecuente cola dirección nueva de la FSA". Amás, indicó que dende la so formación van facer "tolo posible pola oficialidá".

Sobre economía señaló que Fernández ve'l vasu "mediu enllenu" y pidió una sensibilidá mayor "colos trabayadores que lo tán pasando mal", mentó casos como'l de Capsa o Duro Felguera. Amás, afirmó qu'anque IX y PSOE nun son abondo p'aprobar un presupuestu "vamos llegar hasta'l final, como fiximos hasta agora" y dixo que l'alcuerdu nun depende de les intenciones "sinón de lo que se ponga enriba de la mesa".

Per otru llau, el portavoz d'IX, Gaspar Llamazares, afirmó que la so formación cueye'l "guante del alcuerdu", pero que "hai rocea". Asina, señaló que nel debate nun hubo autocrítica y emplazó a buscar un "programa compartíu" pola mayoría de la Cámara. Llamazares criticó que Javier Fernández nun realizara nenguna referencia al pactu de investidura, "dalgo que nun ye casual", y dixo que nel discursu "volvieron al proyectu continuista de la FSA ensin autocrítica".

Indicó que Javier Fernández ta ente "Numancia" y "La Profecía". "Numancia ye la llingua asturiana, que nun va pasar, y 'La Profecía' ye Cataluña", indicó énte un discursu que calificó como "el día de la marmota". Con too, Llamazares dixo que nun renuncien al debate y a que los alcuerdos "permitan salvar la llexislatura".

"Coyemos el guante del alcuerdu, pero hai rocea", señaló sobro un Gobiernu "onde nun hai capacidá de lideralgu col Gobiernu central". Asina, abogó por un programa "compartíu cola mayoría de la Cámara", anque afirmó que pa ello "hai rocea porque hai razones pa ello". "Nun empezó bien esti debate", señaló.

P'acabarr, Argüelles recordó que queden 19 meses p'acabar la llexislatura "depués de dos años perdíos". "Lo qu'asoceda nestos meses ye responsabilidá del presidente y del Gobiernu", sentenció, pa depués ufiertar el so partíu pa una negociación sincero y fondo".

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies