MADRID, 25 d'Ochobre (EUROPA PRESS)
El presidente de la Xestora que dirixe'l PSOE, Javier Fernández, insistió esti miércoles en que quier "persuadir" a los diputaos socialistes que caltienen el so refugu a dexar gobernar al PP y evitó falar de posibles sanciones en casu de que se consume la "desobediencia".
Asina lo esplicó'l tamién presidente d'Asturies nuna rueda de prensa nel Congresu, dempués de reunise nel Palaciu de la Zarzuela col Rei Felipe VI, al que treslladó'l cambiu de postura del PSOE y la so decisión d'astenese nuna segunda votación pa qu'a Mariano Rajoy puean investilu presidente del Gobiernu.
Fernández esplicó que-y informó del acuerdu que tomó'l Comité Federal el pasáu domingu, qu'establez que'l Grupu Parlamentariu Socialista va votar 'non' nuna primer votación y dempués va astenese, cuando'l candidatu del PP yá nun precise mayoría absoluta sinón simple pa poder salir investíu.
"EL GRUPU SOCIALISTA ASTENDRÁSE"
Y, según dixo, informó al rei de que'l Grupu "va astenese", porque "ye lo que va pasar", y nun entró en "nenguna matización" sobre si va ser en bloque o habrá l'astención mínima que pide un sector del PSOE y que la Xestora refuga.
El presidente d'esti órganu insistió en que nun se plantea qu'haya rotura del votu y esplicó que va siguir intentando convencer a tán contando facelo. Fernández negó tamién que se tea llanzando "nengún tipu d'amenaza" a estos socialistes que quieren siguir nel 'non'.
